Elordada balalarǵa arnalǵan ujymdyq is-sharalar ótkizýge tyiym salynǵan. Bul týraly Nur-Sultan qalasynyń bas memlekettik sanitar dárigeri Sarhat Beisenova aitty, dep habarlaidy QazAqparat.
«Ujymdyq sipattaǵy barlyq tańerteńgilikterge tyiym salynǵan tańerteńgilikterdi mektepterde synypta, balabaqshalarda topta ǵana ártúrli ýaqytta ata-analarynyń qatysýynsyz, animatorlardy shaqyrmai ótkizýge ruqsat beriledi. Jeke sipattaǵy erteńgilikterge qatysty aitar bolsam, mundai is-sharalar túrli ujymdardyń, ártúrli balalardyń qatysýymen ótetin bolǵandyqtan olarǵa tyiym salynǵan», - dedi ol elorda ákimdiginde ótken baspasóz máslihatynda.
Onyń atap ótýinshe, bas memlekettik sanitar dárigerdiń qaýlysymen anyqtalǵan is-sharalarǵa ǵana Ashyq jobasymen kelýshilerdiń de, qyzmetkerlerdiń de mártebesi «jasyl» bolǵanda ruqsat beriledi.
«Iaǵni, uiymdar men nysandarǵa arnalǵan ujymdyq is-sharalar kelýishlerdiń de, qyzmetkerlerdiń de bárinde «jasyl» mártebe bolýy tiis. Balalar Ashyq jobasyna qatyspaityndyqtan olardyń ujymdyq is-sharalaryn ótkizýge bolmaidy», - dedi Sarhat Beisenova.
