Elordada kámeletke tolmaǵan balalar úshin qoǵamdyq kólik kartasynyń validatsiiasy mindetti bolyp qala bermek, dep habarlaidy "Ult aqparat" qala ákimdiginiń baspasóz qyzmetine silteme jasap.
«2020 jylǵy 28 naýryzdan bastap elordada barlyq kámeletke tolmaǵandar úshin jol júrý tegin bolady. Qoǵamdyq kólikpen júrýge qatysty birqatar máseleler azamattardy qabyldaý, máslihat sessiialary men eseptik kezdesýlerde kóterildi. Tasymaldaýshylarmen kelissózder barysynda qala ákimi 18 jasqa tolmaǵan tulǵalar úshin jol júrý tegin bolatyny týraly sheshim qabyldady. Shetkeri aimaqtarda turatyn kámeletke tolmaǵan balalar da tegin qatynai alady. Osy ýaqyt aralyǵynda barlyq daiyndyq jumystary júrgiziledi», - dep habarlaidy qalalyq ákimdikten.
Daiyndyq jumystarynyń qataryna túsindirý, balalarǵa olardyń attary jazylǵan kólik kartalaryn satyp alý jumystary jatady. Kólik kartasy barlaryna ony aýystyrýdyń ne jańasyn satyp alýdyń esh qajeti joq.
«Avtobýsta kólik kartasynyń validatsiiasy (tegin jol júretin turǵyndar úshin de) mindetti bolyp qalady. Sebebi sol derekter negizinde qoǵamdyq kólik marshrýttary jasalady. 7 jastan 15 jasqa deiingi jolaýshylar úshin qoǵamdyq kólikte jol júrý quny 40 teńge boldy, al 15 jastan asqan turǵyndar úshin 90 teńge bolatyn. Jeńildigi bar azamattardyń sanattaryna jatatyn turǵyndar da tegin jol júredi», - dep habarlaidy ákimdikten.
Eske sala ketsek, búgingi kórme-konferentsiia barysynda Bekmyrza Igenberdinov elordada kámeletke tolmaǵan balalar qalaishilik qoǵamdyq kólikpen tegin júretinin habarlaǵan edi. Sonymen qatar halyqtyń alty sanatyna kiretin azamattarǵa qala mańy baǵdary boiynsha qoǵamdyq kólik tegin bolady. Ol alty sanattyń ishine zeinetkerler, múgedekter, UOS ardagerler, múgedekterdi alyp júrgen adamdar, kópbalaly analar jáne kópbalaly otbasylardyń músheleri kiredi.
