Covid-19 qaýpine bailanysty astanada 15 maýsymnan bastap balabaqshalar, kinoteatrlar men OSO-daǵy oiyn ortalyqtary qalypty rejimde ashylyp, jumys istemeitin boldy, dep habarlaidy "Ult aqparat" qala ákimdiginiń baspasóz qyzmetine silteme jasap.
Qala ákimdigi balabaqshalar kezekshi toptar arqyly, iaǵni bir topta 15 baladan jumysyn jalǵastyratynyn habarlaidy. Eń birinshi kezekte balalaryn úiine qaldyrýǵa murshasy joq ata-analar úshin qyzmet etedi. Mektepke deiingi uiymǵa barmaǵan jaǵdaida balanyń oryny saqtalady. Balabaqshaǵa qabyldaý úshin ýchaskelik pediatrdyń balanyń densaýlyǵy jaily anyqtamasy bolýy tiis. Balany balabaqshaǵa qabyldar aldynda tárbieshiler ata-analardyń qatysýymen jáne meditsinalyq qyzmetkerdiń baqylaýymen balany mindetti termometriiadan ótkizip, tańerteń tekseredi.
Qazirgi tańda koronavirýstyń taralý qaýpi seiilmei tur. Sanitariia normasyn qatań saqtaý kerekú. Ol úshin maska taǵyp, qoldy antiseptikpen shaiyp, qashyqtyqty saqtaǵan abzal. Qalanyń qoǵamdyq densaýlyq saqtaý basqarmasynyń basshysy Sáýle Qisyqovanyń aitýyna qaraǵanda sanitariia normalaryn saqtamaýdyń saldary shahardaǵy aýrýhanalardyń naýqastarǵa tolyp ketý qaýpin týǵyzýy múmkin. Mundai jaǵdaida dárigerler naýqastardyń bárine kómek kórsete almai qalýy yqtimal.
«Infektsiia qaýpi tipti densaýlyǵy myǵym zińgittei jastardyń ózin qaljyratyp jiberýi múmkin. Abai bolý kerek. Bir adamnyń selqostyǵy ekinshi kisige qaýip tóndirmeýi tiis. Koronavirýs sanaýly kúnniń ishinde adamnyń aǵzasyn qurtýy múmkin. Sol sebepti ózińiz úide emdelip alamyn dep oilamańyz», - deidi Sáýle Qisyqova.
