Nur-Sultan qalasy boiynsha kóliktik baqylaý inspektsiiasy júk tasymaldaityn aýyr avtokólik quraldarynyń salmaǵyn baqylaý jumysyn qaita bastady, dep habarlaidy "Ult aqparat".
«Júk jóneltýshiler men tasymaldaýshylar jol jabynyna jáne qorshaǵan ortaǵa ziian keltirmeý úshin belgilengen júk parametrlerin qatań saqtaýǵa tiis.
Alaida, avtokólik quraldarynyń júrgizýshileri kóliktik baqylaýdan jii jaltarady. 2021 jylǵy 18 shildeden 10 tamyzǵa deiingi eki apta ishinde júk avtokólik quraldary júrgizýshileriniń tekserý úshin toqtatqan kezde talapty elemegen 43 jaǵdai tirkeldi», - QR Indýstriia jáne infraqurylymdyq damý ministrligine silteme jasap.
Aita keteiik, QR ÁQBtK 613-babyna sáikes beketterde (onyń ishinde jyljymaly beketter de bar) kóliktik baqylaý qyzmetkerleriniń talaptaryn oryndamaǵan kólik júrgizýshisine 30 AEK mólsherinde aiyppul salynady. Al talapty bir jyl ishinde qaitalap buzsa, alty aiǵa kólik quraldaryn basqarý quqyǵynan aiyrylady.
«Nur-Sultan qalasy boiynsha kóliktik baqylaý inspektsiiasy júk parametrlerin ólsheý úshin toqtatý talaptaryn elemegen barlyq kólik ielerine qajetti qujattardy usyný jáne jaǵdaidy taldaý úshin júrgizýshilerdiń kelýi týraly talaptar jiberilgenin habarlaidy.
Kóliktik baqylaý inspektsiiasynyń osy talaptaryn oryndamaǵan júk kólikteriniń ieleri QR ÁQBtK 462-babyna sáikes laýazymdy adamdardyń qyzmettik mindetterin oryndaýyna kedergi keltirý boiynsha ákimshilik jaýapkershilikke tartylady», - delingen ministrlik aqparatynda.
