Jeksenbide elordada Nur-Sultan Half Marathon birinshi jartylai marafony ótti. Júgirý EXPO aýmaǵynan bastaldy, onda Qazaqstannan jáne álemniń 24 elinen kelgen 4 myń áýesqoi jáne kásipqoi sportshy Nur-Sultannyń eń ádemi jerlerimen júgirdi, dep habarlaidy "Ult aqparat" qala ákimdiginiń resmi saityna silteme jasap.
Marafon qorytyndysy boiynsha erler arasynda 21 km-de Rinas Ahmadeev jeńimpaz atandy. Onyń finishke jetý ýaqyty - 1 saǵat 2 minýt 54 sekýnd. Bul - Nur-Sultan Half Marathon trassasynyń 21,1 km-degi jańa absoliýtti rekordy.
Kóshbasshylar absoliýttik esepte 21 shaqyrymǵa aqshalai júlde qoryn ózara bólisti: birinshi oryn - 450 myń teńgeden, ekinshi oryn - 400 myń teńgeden, Úshinshi oryn - 350 myń teńgeden. Jas sanattary boiynsha jeńimpazdar (10 km jáne 21,1 km) seriktesterden syilyqtar aldy.
Óz kúshin synaý úshin Almatydan kelgen jarystyń finalisteriniń biri Rýslan Oglov jartylai marafondy uiymdastyrý jáne trassadan alǵan áserlerimen bólisti.
"Júgirýmen kópten beri ainalysyp kelemin. Bul trassany tańdaǵan sebebim - ol Almatymen salystyrǵanda óte jeńil, biiktigi óte tómen, rekordtar úshin dál keletin jol. Búgin men 10 km qashyqtyqta jeke rekord ornattym, aldyńǵy jeke rekordymdy osydan on jyl buryn, Qazaqstan chempiony bolǵan kezde ornatqan em. Qazir men áýesqoimyn jáne jumysty jattyǵýlarmen úilestiremin, bul óte qiyn. Budan da jaqsy nátije kórsetýime bolar edi, biraq uiqymnyń qanbaýy jáne tolqyǵanym kedergi keltirdi, - dep óz oiymen bólisti sportshy.
Ol sondai-aq osyndai sport merekesi úshin marafon uiymdastyrýshylaryna alǵys aitty.
Aita ketý kerek, búgin jarysqa Qazaqstannan jáne álemniń 24 elinen 4 myńnan astam adam shyqty.
Márege jetkennen keiin barlyq qatysýshylardy sahnada mýzykalyq toptardyń oryndaýymen jeńimpazdardy marapattaý, sondai-aq jartylai marafon seriktesteriniń utys oiyndary men úlken oiyn-saýyq baǵdarlamasy kútip turdy.
Marafon alǵash ret Qazsport telearnasynyń tikelei efirinde kórsetildi.
Sondai-aq, barlyq qatysýshyny QR Mádeniet jáne sport vitse-ministri Serik Jarasbaev pen Nur-Sultan qalasy ákiminiń orynbasary Erlan Bekmýrzaev qarsy aldy. Sporttyq shara barysynda Ulttyq ǵylymi kardiohirýrgiialyq "Júrek ortalyǵynyń" direktory Tatiana Ivanova-Razýmova men jarys direktory Saltanat Qazybaeva sóz sóiledi.
Esterińizge sala keteiik, is-sharada qaýipsizdik jedel meditsinalyq járdem kólikteri, Qyzyl Jarty Ai qoǵamynyń eriktileri, velomedikter, TJD jáne politsiia kólikteri júrdi. Starttaǵy, sondai-aq tas joldaǵy tazalyqty qalalyq qyzmetter qamtamasyz etti.
Jartylai marafondy uiymdastyrýshylar - "Birinshi bolý-batyldyq" korporativtik qory, "WorldClassAlmaty" fitnes-klýby, Akademik Sh.Esenov atyndaǵy ǵylymi-bilim berý qory jáne #Drýgoi ty mýltisporttyq Youtube-arnasy. Is-shara elorda ákimdiginiń qoldaýymen ótti.
