Pfizer vaktsinasyn balalarǵa qandai jaǵdaida salmaý kerek? Bul týraly qalalyq qoǵamdyq densaýlyq saqtaý basqarmasynyń balalar densaýlyǵyn qorǵaý bóliminiń basshysy Aijan Amangeldieva aitty, dep habarlaidy QazAqparat.
«Eger balany tekserý barysynda dáriger sozylmaly aýrýlardyń asqynýyn anyqtasa, nemese temperatýra kóterilse jáne vaktsina quramyna kiretin komponentterge allergiia bolsa - munyń barlyǵy vaktsinatsiiaǵa qarsy kórsetilimderge jatady», - dedi basqarma ókili.
Mamannyń sózine qaraǵanda, búginde elorda mektepterinde saýalnama júrgizilip jatyr. Osy saýalnamanyń qorytyndysy boiynsha vaktsina qajetti mólsherde taratylady.
«Saýalnamada «Balańyzdyń ekpeni qaida alǵanyn qalaisyz: mektepte me, álde emhanada ma» degen suraq bar. Sonymen qatar, «Balańyzǵa ekpe qalai salǵanyn kórigińiz kele me, bul protseske qatysasyz ba», - dep suraimyz. Eger «Iá» dep jaýap berse, onda ata-analar balany vaktsinalaý protsesin kórý úshin mektepterge jiberiledi», - dedi Aijan Amangeldieva.
Sonymen qatar, ol elordanyń bilim oshaqtarynyń oqýshylardy Pfizer vaktsinasymen immýndaýǵa daiyndyǵy baqylaý alynǵanyn atady.
«Vaktsinatsiia aldynda Densaýlyq saqtaý basqarmasynyń qyzmetkerleri mektepterde monitoring júrgizip, meditsinalyq kabinetterdi tekseredi. Vaktsinatsiia úshin barlyq qajetti jaǵdailar jasalǵan», - dedi basqarma ókili.
