Nur-Sultan qalasynyń politsiia departamenti qujaty jaramsyz jáne mártebesi rettelmegen kúide turyp jatqan 100 adamdy anyqtady, dep habarlaidy "Ult aqparat".
Departament taratqan málimetke sáikes, onyń ishinde 40 adam SSSR-dyń 1974 jylǵy qyzyl tólqujatymen júrgeni anyqtalǵan. 50 adam ýaqtyly jeke kýáligin almasa, 10 azamattyǵy joq kúide ómir súrgen.
«Nur-Sultan qalasynyń politsiia departamentine Aqmola oblysynyń 59 jastaǵy azamaty júgindi. Ol 1974 jyly Sovet odaǵy tusynda alǵan qujatymen júrgen. Ony Qazaqstan Respýblikasynyń azamaty retinde taný týraly material qabyldanyp, azamat aldaǵy ýaqytta Qazaqstan Respýblikasynyń azamattyǵyn alatyn boldy», - dep habarlaidy departamenttiń baspasóz qyzmeti.
Nur-Sultan qalasynyń politsiia departamenti qujaty jaramsyz jáne mártebesi rettelmegen kúide júrgen azamattardy anyqtap jatyr. Sonyme. qatar ýchaskelik politseiler «WhastsApp» arqyly PIK toptaryna tiisti habarlamalardy taratýda.
Kóshi-qon qyzmeti «Qorǵaý» qoǵamdyq qorymen, qalalyq psihikalyq densaýlyq ortalyǵymen birge jeke basyn kýálandyrý úshin qujatsyz júrgen azamattardy anyqtaýdy jalǵastyrady.
