Elordada 15 myńǵa jýyq kópbalaly otbasy ataýly áleýmettik kómek tóleýdiń jańa túri boiynsha járdemaqy aldy. Bul týraly búgin ótken baspasóz máslihatynda Nur-Sultan qalasynyń Jumyspen qamtý jáne áleýmettik qorǵaý basqarmasynyń basshysy Sáýle Nurǵojina aitty, dep habarlaidy "Ult aqparat".
«Biyldan bastap ataýly áleýmettik kómek kórsetýdiń jańa tásilderi boiynsha reforma bastaldy. Memleket basshysynyń tapsyrmasyn oryndaý maqsatynda Eńbek jáne halyqty áleýmettik qorǵaý ministrligi ataýly áleýmettik kómek berý tetikterin túzetip, keshendi sharalar ázirledi», - deidi Sáýle Nurǵojina.
Onyń aitýynsha, 2020 jyldyń 1 qańtarynan bastap 4 jáne odan kóp balalary bar otbasylarǵa memlekettik járdemaqynyń jańa túri engizildi.
«Balalardyń sanyna bailanysty ár otbasy úshin kiristi eseptemegende arnaiy memlekettik járdemaqy tólenedi. Kópbalaly otbasylar memlekettik járdemaqy tóleýde jeke sanatqa shyǵaryldy. Búgingi tańda Nur-Sultan qalasynda atalǵan járdemaqy taǵaiyndalyp, berildi. Elordada jańa járdemaqyny 15 myńǵa jýyq kópbalaly otbasy aldy. Járdemaqy tabysqa qaramastan, januiadaǵy balalar sanyna saralanǵan mólsherde tólenedi. 4 balaǵa - 42496 teńge, 5 balaǵa - 53127 teńge, 6 balaǵa - 63757 teńge, 7 jáne odan da kóp balaǵa - 74388 teńge», - deidi ol.
Sondai-aq, atalǵan másele boiynsha keńes beretin anyqtama qyzmeti iske qosylǵan. Barlyq suraqtar boiynsha 14111414 nómirine habarlasýǵa bolady.
Kópbalaly otbasylarǵa memlekettik járdemaqy taǵaiyndaý úshin qujattar Esil, Saryarqa, Baiqońyr jáne Almaty aýdandarynyń halyqqa qyzmet kórsetý ortalyqtarynda qabyldanýda.
