Elordada 25 mamyrdan bastap dámhana men meiramhanalar jumysyn bastaidy qoǵamdyq tamaqtaný mekeemesinde tek 50 orynnan aspaýy kerek. Bul týraly Nur-Sultan qalasynyń Bas memlekettik sanitarlyq dárigeri Janna Pirálievanyń qaýlysynda jazylǵan, dep habarlaidy "Ult aqparat".
Qaýlyda aitylǵandai, shamamen 50 adam otyratyn oryny bar dámhana men meiramhanalardyń jumysyna ruqsat etiledi.
«Zalǵa 50 oryndyq qoiý kerek jáne otyratyn oryndar arasy 2 metr qashyqtyqta bolýy tiis. Ujymdyq is-sharalar ótkizýge jáne banket pen saltanatty zaldardyń jumysyna tyiym salynady», - delingen qujatta.
Eske sala ketsek, 18 mamyrda elordada syiymdylyǵy 30 adamǵa deiingi qoǵamdyq tamaqtaný oryndary jumys istei bastaǵan. Ol kezdegi shart boiynsha, ǵimarattyń ishki jáne jazǵy alańdaryn qosqanda, jalpy klient sany 30-dan aspaýy tiis bolatyn.
