Elordada 40 myńnan astam bastaýysh synyp oqýshysy kezekshi toptarda bilim alady. Bul týraly pedagogika qyzmetkerleriniń tamyz keńesinde elorda ákimi Altai Kólginov aitty, dep habarlaidy QazAqparat.
«Bir jumadan keiin jańa oqý jyly bastalady. Oǵan bizdiń muǵalimderdiń daiyndyǵy joǵary 1-4 synyp aralyǵyndaǵy 40 myńnan astam bala kezekshi toptarda oqýǵa ótinish bildirip otyr. Soǵan biz daiyn bolýymyz kerek. Árine, virýs eshqaida ketken joq. Tártipti ózimizden bastaýymyz kerek. Mektepterge balalar keledi jáne olardyń qaýipsizdigi eń birinshi orynda bolýy kerek. Áleýmettik ara qashyqtyq saqtalyp, antisanitaizerler ornatylýy tiis. Adamdar kóp shoǵyrlanǵan jerde mindetti túrde maska kiiýimiz qajet», - dedi elorda ákimi.
Sonymen qatar ol pedagogtarǵa salmaq artatyndyǵyn basa aityp, bilim berý sapasyn tómendetpeý qajettigin eskertti.
«Soǵan biz erekshe kóńil aýdarýǵa mindettimiz. Ol úshin barlyq jaǵdai jasaldy. Endi ol muǵalimderge tikelei bailanysty», - dedi Altai Kólginov.
