ەلوردادا 40 مىڭنان استام باستاۋىش سىنىپ وقۋشىسى كەزەكشٸ توپتاردا بٸلٸم الادى. بۇل تۋرالى پەداگوگيكا قىزمەتكەرلەرٸنٸڭ تامىز كەڭەسٸندە ەلوردا ەكٸمٸ التاي كٶلگٸنوۆ ايتتى, دەپ حابارلايدى قازاقپارات.
«بٸر جۇمادان كەيٸن جاڭا وقۋ جىلى باستالادى. وعان بٸزدٸڭ مۇعالٸمدەردٸڭ دايىندىعى جوعارى 1-4 سىنىپ ارالىعىنداعى 40 مىڭنان استام بالا كەزەكشٸ توپتاردا وقۋعا ٶتٸنٸش بٸلدٸرٸپ وتىر. سوعان بٸز دايىن بولۋىمىز كەرەك. ەرينە, ۆيرۋس ەشقايدا كەتكەن جوق. تەرتٸپتٸ ٶزٸمٸزدەن باستاۋىمىز كەرەك. مەكتەپتەرگە بالالار كەلەدٸ جەنە ولاردىڭ قاۋٸپسٸزدٸگٸ ەڭ بٸرٸنشٸ ورىندا بولۋى كەرەك. ەلەۋمەتتٸك ارا قاشىقتىق ساقتالىپ, انتيسانيتايزەرلەر ورناتىلۋى تيٸس. ادامدار كٶپ شوعىرلانعان جەردە مٸندەتتٸ تٷردە ماسكا كييۋٸمٸز قاجەت», - دەدٸ ەلوردا ەكٸمٸ.
سونىمەن قاتار ول پەداگوگتارعا سالماق ارتاتىندىعىن باسا ايتىپ, بٸلٸم بەرۋ ساپاسىن تٶمەندەتپەۋ قاجەتتٸگٸن ەسكەرتتٸ.
«سوعان بٸز ەرەكشە كٶڭٸل اۋدارۋعا مٸندەتتٸمٸز. ول ٷشٸن بارلىق جاعداي جاسالدى. ەندٸ ول مۇعالٸمدەرگە تٸكەلەي بايلانىستى», - دەدٸ التاي كٶلگٸنوۆ.
