Elordanyń turǵyn úi alaptarynda eki dene shynyqtyrý-saýyqtyrý kesheniniń qurylysy bastaldy. Jaqyn arada osyndai taǵy eki keshen salynady. Olar Nur-Sultan qalasynyń ártúrli aýdanynda ornalasady. Bul týraly "Ult aqparat" qalalyq ákimdiktiń baspasóz qyzmetine silteme jasap habarlaidy.
Qala ákimi Altai Kólginov qurylys jumysy barysymen tanysty. Salynatyn dene shynyqtyrý - saýyqtyrý keshenderinde sportpen shuǵyldanatyn bólmelerden bólek poshta bólimshesi, politsiia pýnkti, egde jastaǵy adamdardyń qyzyǵýshylyǵy boiynsha bólme, Halyqqa qyzmet kórsetý ortalyǵy, kitaphana jáne taǵy basqalary bolady. Ákimdiktiń Instagram paraqshasynda ǵimarattyń qoldanysqa berý ýaqyty 2021 jyl dep kórsetilgen.
Sondai-aq, elordadaǵy turǵyn úi alaptarynda jol jóndeý jumystary júrip jatyr. Biyl 100 shaqyrymǵa sozylatyn 150 kósheniń jolyn jóndeidi, onyń ishinde 100 kóshe turǵyn úi alaptarynda ornalasqan. Osy baǵyt boiynsha ǵana «Jumyspen qamtý jol kartasy» boiynsha 1,5 myń jumys orny bolady, al jalpy alǵanda atalǵan baǵdarlama boiynsha 15 myń jumys orny bar. Aldymen jumyspen qamtý ortalyǵy arqyly jumyspen qamtityn bolady. Sonymen qatar turǵyn úi alaptaryna gaz tartý jelileriniń qurylysy bastaldy. Magistraldyq gaz qubyryn montajdaý jumystary aiaqtalyp qaldy. Mysaly, Jeleznodorojnyi turǵyn úiine gaz tartý jelileriniń úshten biri tartylyp qoidy. Osyndai jumystar Kóktal-1, Kóktal-2 jáne Agroqalashyq turǵyn úi alaptarynda júrgizilip jatyr. Barlyq jumys kestege sai atqarylýda.
Óndiris sektory men turǵyn úi alaptaryna gaz tartý jumystary úsh kezeńnen turady: kelesi jylytý maýsymynda
Kóktal-1, Kóktal-2, Agroqalashyq, Promyshlennyi, Jeleznodorojnyi turǵyn úi alabtaryna gaz tartý josparlanǵan.
