Nur-Sultan qalasynyń politseileri zańsyz satylyp jatqan meditsinalyq preparattardy tárkileý boiynsha reid jumystaryn júrgizip jatyr, dep habarlaidy "Ult aqparat" astanalyq politsiia departamentiniń baspasóz qyzmetine silteme jasap.
Politseiler men qalalyq prokýratýra ókilderinen quralǵan monitoring toby QR zańnamasyn buzý faktisin anyqtaý úshin astanalyq dárihanalarǵa reid júrgizip jatyr.
Reid bastalǵaly QR zańnamasyn buza otyryp meditsinalyq dári-dármekti satýdyń 84 faktisi anyqtaldy, 96 adam ustaldy.
5 026 qap dári, 179 dene qyzýyn ólsheitin qural, 250 myńnan astam meditsinalyq maska, 20 myńǵa jýyq meditsinalyq qolǵap, 679 litr antiseptik tárkilendi. Tárkilengen preparattardyń jalpy sommasy 19 mln teńgeni qurady.
Dári-dármek baǵasyn kóterip satqan 50 tulǵa jaýapkershilikke tartyldy, 400 dárihana tekserildi. Reid júrgizgen eki kún ishinde meditsinalyq preparattardyń baǵasyn kóterip jibergen 11 dárihana anyqtaldy.
Atalǵan azamattardyń barlyǵy QR zańnamasyna sáikes jaýapkershilikke tartylady.
