Elordanyń kóshi-qon politsiiasy KSRO tólqujatyn der ýaqytynda aýystyrmaǵan 18 azamatty anyqtady, dep habarlaidy "Ult aqparat".
Sonymen qatar jasy 18-den asqan elordanyń 30 turǵyny jeke kýálik alý úshin kóshi-qon qyzmetine júginbegen.
«Mundai tulǵalardy anyqtaý belgili bir deńgeide qiyndyq týdyrady. Óitkeni, Qazaqstan azamaty ekendigin aiqyndaý jáne odan ary jeke kýálik rásimdeý úshin adam ózi kelýi tiis. Keńestik tólqujatpen júrgendigi jáne jeke kýáligi joq ekendigi anyqtalǵan tulǵalardyń barlyǵyna olardyń mártebesin anyqtaý ári Qazaqstan azamatynyń qujatyn rásimdeý kómegi kórsetildi», - dedi kóshi-qon politsiiasynyń basshysy Arman Baimuhambet.
Máselen, Nur-Sultan qalalyq politsiia departamenti málimetinshe, politsiiaǵa 1956 jyly Belarýsta alǵan tólqujatyn aýystyrmaǵan 81 jastaǵy áiel júgindi. 1957 jyly tyńǵa kelgen ol sol ýaqyttan beri Qazaqstanda turyp jumys istegen. Tólqujaty men týý týraly kýáligin joǵaltyp alýyna bailanysty qujattaryn rásimdei almaǵan. Elordanyń kóshi-qon qyzmetiniń qyzmetkerleri «Qazaqstan Respýblikasynyń azamattyǵy týraly» Zańǵa sáikes azamatshanyń quqyqtyq mártebesin anyqtap, oǵan jeke kýálik jasap bergen.
