Elordadaǵy «Astana-1 temirjol» vokzalynyń ataýyn «Nur-Sultan temirjol vokzaly» etip ózgertý usynyldy, dep habarlaidy QazAqparat tilshisi.
QR Premer-Ministri Asqar Maminniń tiisti Qaýly jobasy QR Indýstriia jáne infraqurylymdyq damý ministrliginiń saitynda jariialandy.
«Astana temirjol vokzaly «Nur-Sultan temirjol vokzaly» bolyp qaita atalsyn», - delingen Qaýly jobasynda. Sondai-aq qujatqa qol qoiylǵan jaǵdaida ol alǵashqy resmi jariialanǵan kúnnen bastap kúshine enetini jazylǵan. Aita keteiik, Qaýly jobasy 2019 jyldyń 16 sáýirine deiin «Ashyq normativtik-quqyqtyq aktiler» portalynda qoǵamdyq talqylaýǵa usynyldy. Onda kez kelgen turǵyn óz pikirin qaldyra alady.
QR Indýstriia jáne infraqurylymdyq damý ministrliginiń málimetine sáikes, temirjol vokzalynyń ataýyn ózgertý memlekettik biýdjetten qarjylyq shyǵyndy talap etpeidi jáne teris áleýmettik-ekonomikalyq nemese quqyqtyq saldarǵa ákep soqtyrmaidy. Sonymen qatar usynylǵan joba qabyldanǵan jaǵdaida zańnamaǵa ózgerister engizý qajet etilmeidi.
Eske sala ketsek, 2019 jyldyń 23 naýryzy kúni Qazaqstan Respýblikasynyń elordasy Astana qalasy - Nur-Sultan qalasy bolyp qaita ataldy. Jarlyqqa Qazaqstan Prezidenti Qasym-Jomart Toqaev qol qoidy.
