Foto: El.kz
Elorda turǵyny áleýmettik jeli arqyly tanysqan jigitke 90 million teńgeden asa aqsha bergen, - dep habarlaidy "Ult aqparat" Astana sotynyń baspasóz qyzmetine silteme jasap.
Astana turǵyny áleýmettik jelide er adammen tanysqan. Hat almasý kezinde ol áieldi óziniń unatyp qalǵanyna jáne bankrotqa ushyraǵan zaýyt direktory ekenine, sondai-aq jaqyn týystarynyń qaitys bolǵanyna, sonyń saldarynan aqshaǵa qatty zárý ekenine sendirgen.
Jábirlenýshi belgili bir ýaqyt ishinde onlain aýdarymdar arqyly ártúrli somalardy aýdarǵan. Keltirilgen materialdyq shyǵynnyń jalpy somasy - 91,6 million teńge.
Alaiaqtyq jasaǵan kúdikti anyqtalyp, ustaldy. Ol asa iri kólemde alaiaqtyq jasaǵany úshin bes jylǵa bas bostandyǵynan aiyryldy.
Apelliatsiialyq shaǵymda sottalýshy taǵaiyndalǵan jazany jeńildetýdi, asyraýynda kámeletke tolmaǵan bes balasynyń, jumys istemeitin jubaiynyń bolýyn, sondai-aq densaýlyq jaǵdaiyn eskerýdi suraǵan.
Alaida appeliatsiialyq satyda sot úkimi ózgerissiz qaldyrylyp, er adamǵa Qylmystyq kodekstiń 52-babyna sáikes úkim shyǵaryldy.
