Elorda turǵyny jalǵan shot jazyp, memleketke 900 million teńge kóleminde zalal keltirdi, dep habarlaidy QazAqparat.
Qarjylyq monitoring agenttigi «kóleńkeli ekonomikamen» kúres júrgizip jatyr.
Atap aitqanda, is júzinde qyzmetter de, jumystar da, taýarlar da usynbaityn «kúmándi» kásiporyndardyń qyzmetiniń jolyn kesý boiynsha sharalar qabyldanyp jatyr.
Bul rette biýdjetke salyq aýdarmai aqsha qarajatyn qolma-qol aqshaǵa ainaldyrady.
Nur-Cultan qalasy boiynsha ekonomikalyq tergep-tekserý departamenti jalǵan býhgalterlik qujattardy jazyp berý faktisi boiynsha «AiDi Stroi 2030» JShS direktoryna qatysty qylmystyq isti aiaqtady.
Tergeý barysynda D.Qurmanǵojinova 2017-2018 jyldar aralyǵynda Seriktestiktiń atynan túrli kompaniialarmen jalǵan mámileler resimdegeni anyqtaldy.
Nátijesinde memleketke tólenbegen salyqtar túrinde 900 million teńgeden astam somaǵa zalal keltirildi.
D. Qurmanǵojinovaǵa 3,5 jylǵa bas bostandyǵynan aiyrý jazasy taǵaiyndaldy.
