ەلوردا تۇرعىنى جالعان شوت جازىپ, مەملەكەتكە 900 ميلليون تەڭگە كٶلەمٸندە زالال كەلتٸردٸ, دەپ حابارلايدى قازاقپارات.
قارجىلىق مونيتورينگ اگەنتتٸگٸ «كٶلەڭكەلٸ ەكونوميكامەن» كٷرەس جٷرگٸزٸپ جاتىر.
اتاپ ايتقاندا, ٸس جٷزٸندە قىزمەتتەر دە, جۇمىستار دا, تاۋارلار دا ۇسىنبايتىن «كٷمەندٸ» كەسٸپورىنداردىڭ قىزمەتٸنٸڭ جولىن كەسۋ بويىنشا شارالار قابىلدانىپ جاتىر.
بۇل رەتتە بيۋدجەتكە سالىق اۋدارماي اقشا قاراجاتىن قولما-قول اقشاعا اينالدىرادى.
نۇر-Cۇلتان قالاسى بويىنشا ەكونوميكالىق تەرگەپ-تەكسەرۋ دەپارتامەنتٸ جالعان بۋحگالتەرلٸك قۇجاتتاردى جازىپ بەرۋ فاكتٸسٸ بويىنشا «ايدي ستروي 2030» جشس ديرەكتورىنا قاتىستى قىلمىستىق ٸستٸ اياقتادى.
تەرگەۋ بارىسىندا د.قۇرمانعوجينوۆا 2017-2018 جىلدار ارالىعىندا سەرٸكتەستٸكتٸڭ اتىنان تٷرلٸ كومپانييالارمەن جالعان مەمٸلەلەر رەسٸمدەگەنٸ انىقتالدى.
نەتيجەسٸندە مەملەكەتكە تٶلەنبەگەن سالىقتار تٷرٸندە 900 ميلليون تەڭگەدەن استام سوماعا زالال كەلتٸرٸلدٸ.
د. قۇرمانعوجينوۆاعا 3,5 جىلعا باس بوستاندىعىنان ايىرۋ جازاسى تاعايىندالدى.
