Elorda turǵyny sporttyq oiyndarǵa utysqa jalǵan dollarlardy tigip kelgen. Bul týraly Qarjylyq monitoring agenttiginen málim etti, dep habarlaidy QazAqparat.
«Biylǵy 28 qazanda Qarjylyq monitoring agenttigi Nur-Sultan qalasy boiynsha aýmaqtyq departamentiniń qyzmetkerleri jalǵan dollar ótkizý kezinde elorda turǵynyn ustady.
Tergeý barysynda qylmys jasaýshy birneshe ret nominaly 50 AQSh dollaryn quraityn jalǵan kýpiýralardy sporttyq oiyndarǵa utysqa salǵany anyqtaldy.
Sondai-aq, onyń eki sybailasy ustaldy, olardyń úiinen jalǵan 7,6 myń dollar anyqtaldy.
Atalǵan derek boiynsha sotqa deiingi tergeý bastaldy. Tergeý soty joǵaryda atalǵan tulǵalarǵa 2 ai merzimge «qamaýda ustaý» túrindegi bultartpaý sharasyn sanktsiialady», - delingen habarlamada.
Agenttik jalǵan banknottardy anyqtaǵan kezde dereý senim telefonyna habarlaýǵa shaqyrady +7 7172 708 478.
Aita keteiik, jalǵan aqshany anyqtaý qylmys emes, biraq mundai banknotty ótkizý úshin qylmystyq jaýapkershilik qarastyrylǵan.
