ەلوردا تۇرعىنى سپورتتىق ويىندارعا ۇتىسقا جالعان دوللارلاردى تٸگٸپ كەلگەن. بۇل تۋرالى قارجىلىق مونيتورينگ اگەنتتٸگٸنەن مەلٸم ەتتٸ, دەپ حابارلايدى قازاقپارات.
«بيىلعى 28 قازاندا قارجىلىق مونيتورينگ اگەنتتٸگٸ نۇر-سۇلتان قالاسى بويىنشا اۋماقتىق دەپارتامەنتٸنٸڭ قىزمەتكەرلەرٸ جالعان دوللار ٶتكٸزۋ كەزٸندە ەلوردا تۇرعىنىن ۇستادى.
تەرگەۋ بارىسىندا قىلمىس جاساۋشى بٸرنەشە رەت نومينالى 50 اقش دوللارىن قۇرايتىن جالعان كۋپيۋرالاردى سپورتتىق ويىندارعا ۇتىسقا سالعانى انىقتالدى.
سونداي-اق, ونىڭ ەكٸ سىبايلاسى ۇستالدى, ولاردىڭ ٷيٸنەن جالعان 7,6 مىڭ دوللار انىقتالدى.
اتالعان دەرەك بويىنشا سوتقا دەيٸنگٸ تەرگەۋ باستالدى. تەرگەۋ سوتى جوعارىدا اتالعان تۇلعالارعا 2 اي مەرزٸمگە «قاماۋدا ۇستاۋ» تٷرٸندەگٸ بۇلتارتپاۋ شاراسىن سانكتسييالادى», - دەلٸنگەن حابارلامادا.
اگەنتتٸك جالعان بانكنوتتاردى انىقتاعان كەزدە دەرەۋ سەنٸم تەلەفونىنا حابارلاۋعا شاقىرادى +7 7172 708 478.
ايتا كەتەيٸك, جالعان اقشانى انىقتاۋ قىلمىس ەمەس, بٸراق مۇنداي بانكنوتتى ٶتكٸزۋ ٷشٸن قىلمىستىق جاۋاپكەرشٸلٸك قاراستىرىلعان.
