Nur-Sultan qalasynyń turǵyny óziniń 10 páterine 324 adamdy tirkegen, dep habarlaidy "Ult aqparat" Polisia.kz saityna silteme jasap.
Aldyn alý sharasyn ótkizý kezinde politseiler 1229 mekenjaidy teksergen. Onyń nátijesinde bes myńǵa jýyq adam tirkelgen 58 páter anyqtaldy. Tulǵalardy kóptep tirkeýge jol bergen páter ielerine qatysty ákimshilik sharalar qabyldanǵan. Úi ielerinen jalǵan túrde tirkelgen azamattardy tirkeýden alyp tastaý ótinishteri alyndy.
Óz páterine eń kóp adamdy zańsyz tirkeý jaǵdailary Nur-Sultan qalasynyń sol jaq jaǵalaýynda tirkelgen. Máselen, Esil aýdanynyń politseileri iesi bir adam bolyp tabylatyn 10 mekenjaidy anyqtady. Páterlerdiń iesi, áiel ETsQ arqyly azamattardy turaqty negizde zańsyz tirkep otyrǵan. Osylaisha, ol páterlerine 324 adamdy tirkegen.
Politseiler quqyq buzýshynyń áreketterin baqylaýǵa aldy, oǵan qatysty zańǵa sáikes sharalar qoldanyldy.
Politseiler sondai-aq jalǵan mekenjai boiynsha sheteldik azamattardy zańsyz tirkeý faktilerin joiyp, erekshe baqylaýyna aldy.
Politsiia departamenti turǵylyqty mekenjai boiynsha zańsyz tirkeýmen ainalysyp júrgen turǵyndar aǵymdaǵy zańnamaǵa sáikes jaýapkershilikke tartylatynyn eske salyp otyr.
