Elorda turǵyny, qazaqstandyq sýretshi Ashat Ahmediarov Kóbeituzdan alǵan tuzdy óz erkimen ótkizý týraly sheshim qabyldady. Ol jelide jeldei esken sózge ilesip, el ishinde tanymal bolǵan qyzǵylt kólden tuz alyp ketken. Bul jaily sýretshi Facebook paraqshasynda jazdy, dep habarlaidy "Ult aqparat".
«Keshe Kóbeituzda bolyp qaittyq. Men kólge tuzyn qaitardym. Tuzdy eki apta buryn áketken bolatynmyn», - dep jazdy Ashat Ahmediarov.
Aita ketsek buǵan deiin Ereimentaý aýdanynyń ákimi men mobildi baqylaý toby demalys kúnderi adamdar kóp shoǵyrlanǵan «Kóbeituz», «Teńiz» kóline reid uiymdastyryp, bul kólge barýǵa tyiym salynǵanyn aitty.
Alaida aýdan ákimi sýretshiniń ótinishin oryndap, tuzdy «iesine» qaitarýǵa múmkindik bergen.
«Blok-postta biz aýdan ákimin kezdestirdik. Jaǵdaidy túsindirdik. Jolymyz bolyp, ol bizdiń nietimizdi túsinip, ótip ketýge múmkindik berdi. Sheneýnik kól mańaiyn tazartý jumystary júrgizilip jatqanyn, kólden bir júk kóligine toly qoqys shyǵarylǵanyn aitty», - deidi sýretshi.
Ashat Ahmediarovtyń ózi de kól mańyn tazartý jumystaryna kómektesken eken.
Eske sala ketsek buǵan deiin COVID-19 aýrýyna qarsy «dári» retinde Kóbeituz kóliniń tuzynyń kelisi áleýmettik jelide 5 myń teńgeden satylyp jatqany habarlanǵan bolatyn.
