Qala turǵyndary koronavirýs infektsiiasymen kúreste aldyńǵy qatarda júrgen meditsina qyzmetkerlerin qoldaý maqsatynda arnaiy fleshmob uiymdastyrdy, dep habarlaidy Nur-Sultan ákimdiginiń resmi saity.
«Fleshmobtyń urany – «Sizder úige tezirek oralý úshin, biz úide otyramyz». Biz koronavirýstyń odan ári taralmaýyna az da bolsa óz úlesimizdi qosqymyz keledi. Eger azamattar bizdiń úndeýimizge qosylyp, karantin rejimin qatań saqtasa, dárigerler aýrýdy tez jeńe alady. #BizUidemiz #bizbirgemiz», – deidi fleshmobqa qatysýshy Monshaq Jaqypova.
Sońǵy aqparattarǵa súiensek, infektsiianyń aldyn alý jáne salaýatty moraldyq-psihologiialyq ahýaldy qalyptastyrý maqsatynda meditsina qyzmetkerleri qonaq úilerge ornalastyryldy.
Sondai-aq meditsina qyzmetkerleri úshin úsh mezgil tamaq pen arnaiy kólik qarastyrylǵan. Naýryz aiynda koronavirýsqa qarsy kúreste belsendi jumys istep júrgen meditsina qyzmetkerlerine 153,1 mln teńge kóleminde syiaqy tólendi. Aita keteiik, Nur-Sultan qalasyndaǵy sanitarlyq-epidemiologiialyq jaǵdai baqylaýda jáne infektsiiaǵa qarsy sharalar tolyqtai júzege asýda.
