Elordada koronavirýsqa qarsy 100-den astam egý pýnkti ashyldy. Olardyń arasynda iri saýda-oiyn-saýyq ortalyqtary men MSAK mekemeleri bar. Elordalyq «Kerýen» SOO-da egý pýnkti ashylǵan kúnnen bastap KVI-ǵa qarsy vaktsinany 120 adam aldy, dep habarlaidy "Ult aqparat" qala ákimdiginiń resmi saityna silteme jasap.
Demalys kúnderi qala turǵyndary qaýipti virýsqa qarsy belsendi vaktsinatsiialanýda.
«Elordada 100-ge jýyq egý pýnkti jumys isteidi. Sondai-aq, demalys kúnderi jurtqa vaktsina alý yńǵaily bolýy úshin elordanyń «Kerýen« siiaqty iri saýda ortalyqtarynda egý pýnktterin ashtyq. Bizdiń basty mindetimiz – elordalyqtardy vaktsinatsiialaý úshin barynsha jaǵdai jasaý. Sonymen qatar, «Mega Silk Way«, «Abý Dabi Plaza«, «Han Shatyr« SOO-larynda egý pýnktteri ashylǵanyn bilesizder. Sol siiaqty kelesi aptada qosymsha egý pýnktterin ashamyz. Bul jumystyń bári mindetti túrde epidemiologtardyń kelisimimen ashylady. Munda vaktsinatsiialaýǵa ruqsat etilgen elordalyq emhanalardyń dárigerleri jumys isteidi. «Kerýen« SOO-da №9 qalalyq emhananyń 12 meditsina qyzmetkeri ekpe jasaidy», — dedi Nur-Sultan qalasy Qoǵamdyq densaýlyq saqtaý basqarmasynyń basshysy Timýr Muratov.
Onyń aitýynsha, «Kerýen» SOO-daǵy egý pýnktiniń qýattylyǵy shamamen 250-300 adamdy vaktsinatsiialaýǵa múmkindik beredi. Pýnkt ashylǵan kúni 85 adam vaktsina aldy. Al eki kúnde 120 adam egildi. Aita keteiik, elordada ujymdyq immýnitetti damytý úshin 600 myńǵa jýyq adamdy vaktsinatsiialaý josparlanýda.
«Biz elorda turǵyny ma, joq pa, oǵan qaramastan niet bildirgenderdiń bárine vaktsina jasaimyz. Tek respýblikada turaqty turmaityn sheteldikterdi ǵana vaktsinatsiialamaimyz. Vaktsinanyń jetispeýshiligi bizde bolmaidy dep oilaimyn. Sebebi jetkizýdiń naqty kestesi bar», — dedi Muratov.
«Kerýen» SOO-nyń egý pýnktine elordalyq mádeniet jáne óner qairatkerleri de keldi.
«Búgin koronavirýsqa qarsy vaktsinanyń alǵashqy dozasyn aldym. Ózimdi óte jaqsy sezinemin. Vaktsinatsiia protsesi tez ótti, kóp kútýge týra kelmedi, bári jaqsy uiymdastyrylǵan. Otandastarymdy ujymdyq immýnitetti qalyptastyrý úshin vaktsinatsiiaǵa qabyldaýǵa shaqyramyn», — dedi «Kerýen» SOO direktorynyń ákimshilik-sharýashylyq máseleleri jónindegi orynbasary Almas Altynbekov.
«Qazir búkil álem indetpen kúresýde. Meniń oiymsha, vaktsinatsiiadan aýlaq bolý kerek. Oilana kele vaktsinatsiia qabyldaý týraly sheshim qabyldadym. Osylaisha bárimiz jaqyn arada virýsty jeńe alamyz. Sol sebepti vaktsinadan qoryqpaýymyz kerek, kerisinshe pandemiiadan tezirek shyǵýǵa yqpal etýimiz kerek», — deidi ánshi Dos.
Aita ketý kerek, búginde vaktsinanyń birinshi komponentin 84 myń astanalyq qabyldasa, ekinshi komponenti 12 myńnan astam adamǵa salyndy. Basqarma basshysynyń aitýynsha, elordaǵa QazVac vaktsinasynyń 6 myń dozasy jetkizildi.
