Qala turǵyndary ózderin ajaldan arashalap qalǵan jandarǵa, meditsina qyzmetkerlerine alǵys bildirdi, dep habarlaidy ákimdik saity.
Búgin qalalyq statsionarlardan 305 astam adam emdelip shyqty. Olardyń kóbi pnevmoniia men koronavirýs infektsiiasyna shaldyqqan egde jastaǵy adamdar. Nur-Sultan qalasynyń turǵyny Birjan Abdýllin búgin aýrýhanadan shyqqandardyń biri.
«Eldi aýrý syrqaýdan arashalap qalyp jatqan Qazaqstannyń densaýlyq saqtaý qyzmetkerlerine myń alǵys! Respýblika dańǵylynda ornalasqan emdeý ortalyǵyna ókpeniń qabynýy boiynsha em alýǵa kelgenmin. Qatty aýyryp kelip edim, qazir úige oralǵaly turmyn. Qýanyshta shek joq, myń alǵys», – deidi aqsaqal. Nur-Sultan qalasynyń turǵyny Petr Vasilev eki jaqty ókpe qabynýymen aýrýhanaǵa jatqyzylǵan.
«Dárigerlerge, barlyq meditsina qyzmetkerlerine kásibi biliktiligi úshin úlken rahmet! On tórt kúnde meni aiaǵyma turǵyzdy. Bári jaqsy, qazir ózimdi jaqsy sezinemin!» – deidi zeinetker. Qazaqstan astanasynda COVID-19 jáne pnevmoniiany emdeý boiynsha oń nátije baiqalady. Nur-Sultan qalasy ákimdigi koronavirýs infektsiiasymen jáne pnevmoniiamen kúres boiynsha pármendi sharalar qabyldaýda. Bul shildeniń basynan bastap aýrýhanalarǵa túsken naýqastar sanynyń tómendeýinen baiqalady. 5 shildeden bastap qabyldanǵan karantin sharalary men ambýlatoriialyq emdeýdi kúsheitýden keiin statsionarlardaǵy pnevmoniiamen aýyratyn naýqastardyń sany 1348-den 633 adamǵa deiin (eki eseden astam) azaidy.
Jedel járdem stantsiiasyna shaqyrtýlar sany táýligine 3 myńnan 1100-ge deiin úsh ese qysqardy. Nur-Sultandaǵy koronavirýs infektsiiasynan emdelip shyqqandar sany 70% – 10 320 naýqastyń 7 260-y saýyǵyp shyqty. Tósek-oryn qorynyń júktemesi 99%-dan 38%-ǵa deiin azaidy. COVID-19 infektsiiasynyń oń dinamikasyn saqtaý úshin, barlyq qala turǵyndary qatań sanitariia normalaryn: maska taǵyp, qashyqtyq saqtaýy qajet.
