Elordanyń politsiia qyzmetkerleri órt shyqqan kóppáterli turǵyn úiden 60-qa jýyq adamdy qaýipsiz jerge shyǵardy, dep habarlaidy "Ult aqparat".
«Búgin tańerteńgi saǵat 09-10-da Saryarqa dańǵylyn patrýldep júrgen Nur-Sultan qalalyq PD Patýrldik politsiia polkiniń aǵa leitenanty Talǵat Namazbaev kóppáterli turǵyn úidiń 7 qabatyndaǵy terezeniń birinen órt shyǵyp jatqanyn baiqaidy. Politsei Jedel basqarý ortalyǵyna órt jaiynda birden habarlap, ózi tereze túbine kómek kólikteri kedergisiz kirýi úshin aýmaqty tazartý jumysyna kirisedi. Úsh minýttyń ishinde órt ornyna aǵa leitenat Nurbolat Muqamediia men politsiia kapitany Qýanysh Dekmanov jetedi. Olar jedel joǵary kóterilip, tútin basqan páterden turǵyndardy qaýipsiz jerge shyǵara bastaidy», - dep atap ótedi Nur-Sultan qalalyq PD baspasóz qyzmetinen.
Vedomstvo málimetinshe, 37 jastaǵy kelinshek pen eń kishkentai 1 jastaǵy, al úlkeni 14 jastaǵy 4 kámeletke tolmaǵan bala bolǵan. Politseiler olardy dalaǵa shyǵarǵannan keiin órt sóndirýshilerdiń kelýin kútpesten, úi turǵyndaryn qaýipsiz jerge ár páterdiń esigin qaǵyp, adamdardyń dalaǵa shyǵýyna kómektesken.
«Páterlerdiń birinde úide jalǵyz qalǵan 6 jasar bala bolǵan. Politseiler balanyń ata-anasymen habarlasyp, olar kelgenshe esiktiń syrtynan onyń kóńil aýlaǵan. Taǵy bir páterde úide jalǵyz qalǵan bala uiyqtap jatqan. Degenmen, ol esikti ózi asha alyp, politseiler balany dalaǵa alyp shyqty. Politsiia qyzmetkerleriniń shuǵyl ári utymdy áreketteriniń arqasynda qaiǵyly jait oryn alǵan joq jáne azamattardyń ómiri saqtaldy. Aita keterligi, politsiia qyzmetkerlerine Ainabek esimdi qala turǵyny da kómektesip, adamdardy qaýipsiz jerge shyǵarýǵa qolǵabys tigizdi», - dedi departamentten.
