Elordada 30 qyrkúiekten bastap áleýmettik jáne turǵyn nysandaryn jylý júiesine qosý sharalary bastaldy. Bul týraly Nur-Sultan ákimdiginiń otyn-energetikalyq resýrstar bóliminiń basshysy Maqsat Esmaǵulov aitty, dep habarlaidy QazAqparat.
«Biyl jylý berý kezeńine daiyndyq boiynsha qalalyq shtab quryldy. Búginde barlyq nysandar 100 paiyzǵa daiyn tur. Ákimdik sheshimine sáikes, 30 qyrkúiekten bastap ortalyq jylýmen qamtamasyz etý júiesine barlyq nysandardy qosý sharalary bastaldy. Budan buryn áleýmettik nysandar ótinimi boiynsha mektepterge, aýrýhanalarǵa, balabaqshalarǵa jylý berýdi bastadyq. Búginde bizde túrǵyn úi sektoryn jylýǵa qosý jumystary júrýde», - dedi M. Esmaǵulov tilshiler saýalyna jaýap bere otyryp.
Onyń aitýynsha, úilerdi jylý berý sharalary bekitilgen rejimdik kartaǵa sáikes júrgizilýde.
«Úilerdi ortalyq júiege qosý jumystary tiisti karta boiynsha júrip jatyr. Osy rásimderdi aǵamdaǵy aptada aiaqtaýdy josparlap otyrmyz. Jumystar qalalyq shtab kestesine sai júzege asyryldy. Ár nysan boiynsha daiyndyq pasporty berildi», - dedi ol.
M. Esmaǵulov ótken jyly jylý berý maýsymy biylǵa qaraǵanda keshteý bastalǵanyn eske saldy.
«Búginde barlyq rásimder pysyqtaldy. Jylý berý boiynsha eshqandai problema joq. Áleýmettik nysandardyń jartysynan astamy jylý júiesine qosyldy», - dedi ol.
