Búgin elorda men Almatyda zańsyz sherý ótkizýge tyrysqandar boldy. Bul jaiynda QR Ishki ister ministrliginiń baspasóz qyzmetinen málim etti, dep habarlaidy "Ult aqparat".
«26 qazanda Nur-Sultan men Almaty qalalarynda ruqsat etilmegen miting ótkizýge tyrysqandar boldy. Bas prokýratýranyń zańsyz miting týraly birneshe márte eskertýine qaramastan kei azamattar zań talabyn oryndaýdan bas tartty. Qazirgi ýaqytta politsiiaǵa mán-jaidy anyqtaý jáne ákimshilik jaýapkershilikke tartý máselesin qarastyrý úshin 26 adam jetkizildi. Ishki ister ministrligi quqyq buzýshylyqtyń aldyn alý maqsatynda azamattary arandatýshylyq úndeýlerge ermei, ekstremistik uiymnyń zańsyz aktsiialaryna qatyspaýǵa shaqyrady», - delingen ministrlik taratqan aqparatta.
