Aqtóbede Astananyń 20 jyldyǵyn merekeleý aiasynda dástúrli túrde birqatar jańa óndiris oryndary men áleýmettik nysandar iske qosyldy. Saltanatty sharalarǵa oblys ákimi Berdibek Saparbaev qatysty.
Aqtóbelikterdi bul kúni Tuńǵysh Prezident saiabaǵynyń janynda ashylǵan akvaparktiń ashylýy erekshe qýantty.
Kelýshilerge úsh shomylý aimaǵy, sý attraktsiondary men tóbeshikter salynǵan. Kún saiyn munda 600-ge jýyq adam tynyǵa alady.
Aita keteiik, búgin demalýshylardy keshenniń qurylysy áli júrip jatqan ashyq jerinde qabyldady. Ol 2019 jyly aiaqtalmaq. Budan keiin qala turǵyndary men qonaqtary sý attraktsionynyń biregei múmkindikterin jyl boiy paidalana alady.
Aqtóbelikterdi Elorda kúnimen quttyqtaǵan oblys ákimi akvapark – Aqtóbe oblysyndaǵy Bala jyly aiasynda balalarǵa tamasha syilyq bolmaq.
- Sizderdi Astananyń 20 jyldyǵymen – elorda kúnimen quttyqtaimyn. Bul árbir qazaqstandyq úshin qazaq halqynyń elimizdiń jańa tarihyndaǵy memlekettik táýelsizdik alýǵa bailanysty jetistikterin bildiretin aitýly kún. Astana Prezident Nursultan Nazarbaevtyń strategiialyq baǵyty tabysynyń nyshanyna ainaldy. Qazaqstannyń jańa astanasyn tolyǵymenmemleket basshysynyń týyndysy jáne saiasaty saltanatynyń aiqyn kórinisi dep sanaýǵa bolady. Osy merekede oblysymyzda jalpy quny 10 mlrd teńge turatyn 31 jańa nysan ashylady. Olardyń qatarynda qala turǵyndary men qonaqtary úshin súiikti demalys ornyna ainalady senim bildirip otyrǵan akvapark ta bar, - dedi óńir basshysy.
Qalanyń qaq ortasynda ornalasqan akvapark3 gektar alańdy alyp jatyr. jobaǵa salynǵan investitsiianyń jalpy kólemi 5,8 milliard teńge. Otyz adam jańa jumys oryndarymen qamtyldy.
