Tekeli qalasynyń «Táýelsizdik» alańyna biiktigi 25 metrlik Tý tuǵyr ornatyldy. Elorda kúni qarsańynda ótken saltanatty jiynǵa eldegi jaǵdaiǵa bailanysty kóp adam qatysa almady. Esesine, áleýmettik jeliler arqyly tikelei efirde tamashalap, jyly lebizderin sonda jetkizdi.
Mereili merekemen quttyqtaǵan Tekeli qalasynyń ákimi Baqtiiar Ónerbaev:
– Qadirmendi, jetisýlyqtar! Barlyqtaryńyzdy elimizdegi erekshe mereke Elorda kúnimen shyn júrekten quttyqtaimyn. El aman, jurt tynysh bolsyn! Osyndai nysandar el igiligine qyzmet etsin. Qalamyzda budan bólek 6 sporttyq alań ashylyp jatyr. Rýdnichnyi aýylynda jastarǵa arnap fýtbol alańyn salyp berýdemiz. Osy syndy jobalar keleshekte de iske asa bermek. Kók bairaǵymyz biikte máńgi jelbirei bersin, – dedi. Memlekettik Tý kóterý mártebesi tekelilik jas sportshy, karateden Álem chempiony Asemai Akranbekke buiyrdy.
Atalmysh joba «Jumyspen qamtý – 2020» jol kartasy» baǵdarlamasy aiasynda júzege asyrylǵan. «Nurǵazy qurylys» JShS júrgizgen Tý tuǵyr ornatý jumystaryn 5 adam atqardy. Onyń úsheýi jumyspen qamtý ortalyǵy arqyly eńbek etti. Osy kúni Tóle bi kóshesindegi sport alańynyń aǵymdaǵy jóndeý jumystary aiaqtaldy.
Baqtiiar Áltaiuly sport alańynda júrgen balalarǵa dop tarattyp, "Barlyǵy da sizder úshin. Erteń chempion bolyp, elimizdi álemge tanytasyzdar. Sondyqtan tańnan keshke deiin smartfonda otyra bermei, qanekei, fýtbol, basketbol oinańdar", – dep keńes berdi.
Tekelide «Jumyspen qamtý – 2020» jol kartasy aiasynda 13 joba qolǵa alynǵan. Olarǵa bólingen qarajat somasy 1 mlrd 837 mln 10 myń teńgeni quraidy. Memlekettik baǵdarlama arqyly «Kóktóbe» baqylaý alańynda biiktigi 12 metrlik Tý tuǵyr ornatý men alań ainalasyn abattandyrý jumystary aiaqtalyp, 12 maýsym kúni qoldanysqa berilgen edi.
Qora ózeniniń jaǵalaýyna kún energiiasynan jaryqtanatyn shamdar ornatý, qala aýmaǵyn keńeite otyryp, qalalalyq zirattyń qorshaýyn kúrdeli jóndeýden ótkizý sekildi jobalar iske asýda. Qazirgi ýaqytta Tekeli qalalyq jumyspen qamtý ortalyǵy arqyly 99 adam atalǵan nysandar boiynsha qurylys jumystaryna tartylǵan.
Máýlen Ánerbai,
"Jetisý" gazeti
