Nur-Sultan qalalyq politsiia departamentiniń baspasóz qyzmeti shahardaǵy keibir kóshelerde jyldamdyq kórsetkishi ózgergendigin habarlady.
«Nur-Sultan qalasynyń politsiia departamenti jol qozǵalysy qaýipsizdigin qamtamasyz etý maqsatynda 2020 jylǵy 15 aqpannan bastap Qabanbai batyr dańǵylynyń Máńgilik El dańǵylynan bastap Jańa áýejai kóshesine deiingi bóliginde eki baǵytta da jyldamdyq rejimi saǵatyna 70 km-den 60 km-ge deiin tómendeitinin habarlaidy» delingen habarlamada.
Sondai-aq, baspasóz qyzmetiniń ókilderi osy atalǵan jol bóliginde «Sergek» júiesi ornatylǵanyn eskertti.
