Nur-Sultan qalasy kóshelerinde qystan keiingi jaryqtandyrý jumystary júrgizilýde, dep habarlaidy "Ult aqparat" elorda ákimdiginiń resmi saityna silteme jasap.
Elordada jaryq qurylymdaryn tazalaý, syrlaý, jaryqtandyrý, jóndeý jumystary jalǵasady. «Astana qalalyq jaryq» JShS ókilderiniń aitýynsha, kommýnaldyq qyzmettiń negizgi mindetteri – baǵandar men eskirgen jaryqtandyrý qondyrǵylarynyń negizgi jabdyqtaryn qalpyna keltirý jáne aýystyrý.
«Qysqy maýsymnan keiin Qabanbai batyr, Aqmeshit kósheleri boiynsha kabel jelileri jóndelip, jaryqtandyrý baǵandary aýystyryldy. Búginde Turan dańǵylyna syrtqy jaryqtandyrý jumystaryn júrgizip jatyrmyz. Bul ýchaskede 10-nan astam baǵan ornatyldy», - deidi «Astana qalalyq jaryq» JShS-niń ýchaskelik sheberi Madiiar Júnisov.
Jalpy Esil aýdanynda 30-ǵa jýyq zaqymdalǵan baǵandy aýystyrýdy josparlanǵan.
«Astana qalalyq jaryqta» 2014 jyldan beri elektromonter bolyp jumys isteimin. Jaryqtandyrý baǵandaryn jóndeý jáne aýystyrý jumystaryn júrgizemin. Búgin 4 baǵan ornattyq. Jumys kúniniń sońyna deiin taǵy tórt baǵan ornatpaqpyz. Jumysym ózime unaidy», - deidi kommýnaldyq qyzmetker Daniiar Esjanov.
Aita ketsek, elordadaǵy syrtqy jaryqtandyrý jelileriniń uzyndyǵy 1500 kilometrdi quraidy.
