Nur-Sultan qalalyq ekonomikalyq tergeýler departamenti birinshi tergeý basqarmasynyń basshysy Bolat Hamitov elorda filarmoniiasynan aqsha qalai urlanǵanyn aityp berdi, dep habarlaidy "Ult aqparat".
«Ol jerde aqsha urlaýdyń eki joly bolǵan. Birinshisi, shamamen 140 «óli janǵa« jalaqy tólenip kelgen. Biz 2012 jyldan bergi kezeńdi qamtydyq. Ekinshisi, ótkizilgen kontsertterden, ǵimaratty jalǵa berýden filarmoniia kassasyna túsken aqsha», - dedi ol.
Basqarma basshysynyń aitýynsha, filarmoniianyń kassiri men býhgalteri atalǵan aqshany bankke aparyp, mekemeniń esep aiyrysý shotyna salýy tiis bolǵan.
«Alaida olar kassaǵa jalǵan kiris kassalyq orderlerin tirkep otyrǵan. Memlekettik kommýnaldyq kásiporynnyń esep aiyrysý shotynan aitarlyqtai uzaq merzimge sheteldik saparlarǵa, jeke maqsattarǵa aqsha qarajattary aýdarylyp otyrǵan. Iaǵni, memlekettik kommýnaldyq kásiporynnyń aqshasy qyzmetkerler men olardyń týystarynyń jeke saparlaryna jumsalǵan. Boljamdy shyǵyn somasy 1,7 mlrd teńgeni quraidy. Bul bizde aýdit qorytyndysyna sáikes tirkelgen», - dedi Bolat Hamitov.
Buǵan deiin 1,7 mlrd teńgelik biýdjet qarajatyn talan-tarajǵa saldy degen kúdikpen Nur-Sultan qalasy Memlekettik akademiialyq filarmoniiasynyń burynǵy eki qyzmetkeri qamaýǵa alynǵanyn habarlaǵan bolatynbyz.
