نۇر-سۇلتان قالالىق ەكونوميكالىق تەرگەۋلەر دەپارتامەنتٸ بٸرٸنشٸ تەرگەۋ باسقارماسىنىڭ باسشىسى بولات حاميتوۆ ەلوردا فيلارمونيياسىنان اقشا قالاي ۇرلانعانىن ايتىپ بەردٸ, دەپ حابارلايدى "ۇلت اقپارات".
«ول جەردە اقشا ۇرلاۋدىڭ ەكٸ جولى بولعان. بٸرٸنشٸسٸ, شامامەن 140 «ٶلٸ جانعا« جالاقى تٶلەنٸپ كەلگەن. بٸز 2012 جىلدان بەرگٸ كەزەڭدٸ قامتىدىق. ەكٸنشٸسٸ, ٶتكٸزٸلگەن كونتسەرتتەردەن, عيماراتتى جالعا بەرۋدەن فيلارمونييا كاسساسىنا تٷسكەن اقشا», - دەدٸ ول.
باسقارما باسشىسىنىڭ ايتۋىنشا, فيلارمونييانىڭ كاسسيرٸ مەن بۋحگالتەرٸ اتالعان اقشانى بانككە اپارىپ, مەكەمەنٸڭ ەسەپ ايىرىسۋ شوتىنا سالۋى تيٸس بولعان.
«الايدا ولار كاسساعا جالعان كٸرٸس كاسسالىق وردەرلەرٸن تٸركەپ وتىرعان. مەملەكەتتٸك كوممۋنالدىق كەسٸپورىننىڭ ەسەپ ايىرىسۋ شوتىنان ايتارلىقتاي ۇزاق مەرزٸمگە شەتەلدٸك ساپارلارعا, جەكە ماقساتتارعا اقشا قاراجاتتارى اۋدارىلىپ وتىرعان. ياعني, مەملەكەتتٸك كوممۋنالدىق كەسٸپورىننىڭ اقشاسى قىزمەتكەرلەر مەن ولاردىڭ تۋىستارىنىڭ جەكە ساپارلارىنا جۇمسالعان. بولجامدى شىعىن سوماسى 1,7 ملرد تەڭگەنٸ قۇرايدى. بۇل بٸزدە اۋديت قورىتىندىسىنا سەيكەس تٸركەلگەن», - دەدٸ بولات حاميتوۆ.
بۇعان دەيٸن 1,7 ملرد تەڭگەلٸك بيۋدجەت قاراجاتىن تالان-تاراجعا سالدى دەگەن كٷدٸكپەن نۇر-سۇلتان قالاسى مەملەكەتتٸك اكادەمييالىق فيلارمونيياسىنىڭ بۇرىنعى ەكٸ قىزمەتكەرٸ قاماۋعا الىنعانىن حابارلاعان بولاتىنبىز.
