Kóliktegi Bas memlekettik sanitarlyq dárigerdiń jańa qaýlysyna orai Nursultan Nazarbav Halyqaralyq áýejaiynda birqatar sharalar qabyldan. Búginnen bastap engizilgen shekteý sharalary týraly Nur-Sultan qalasy áýejaiynyń baspasóz hatshysy Ánýar Shálekenov baiandap berdi, dep habarlaidy QazAqparat.
«Búginnen bastap Nursultan Nazarbaev áýejaiynyń ǵimaratyna shyǵaryp salýshylar men kútip alýshylar úshin kirýge ýaqytsha shekteý qoiylady. Turǵyndar arasynda koronavirýs infektsiiasy taralýynyń aldyn alý maqsatynda Kóliktegi Bas memlekettik sanitarlyq dárigerdiń qaýlysyna ózgerister men tolyqtyrýlar engizilgen. Osyǵan bailanysty joǵary qaýip aimaqtarynda, iaǵni «qyzyl» aimaqta ornalasqan óńirlerde temirjol vokzaldary men áýejailarda shyǵaryp salýshylar men kútip alýshylardyń kirýine shekteý qoiylady», - dep atap ótti Shálekenov.
Onyń sózine qaraǵanda, Nazarbaev áýejaiyna kelýshilerge yńǵaily bolý úshin kireberisterde arnaiy kútý oryndary uiymdastyrylady. Al múmkindigi shekteýli jolaýshylar úshin áýejai qyzmetkerlerinen quralǵan kezekshi toptar qyzmet kórsetedi.
«Kámelettik jasqa tolmaǵan jolaýshylardy birge ertip júrý máselesi áýe kompaniialarynyń agentteri arqyly sheshiletin bolady. Halyqtyń túsinistikpen qaraýyn suraimyz», - dedi Shálekenov.
Buǵan deiin Kóliktegi Bas sanitarlyq dárigerdiń jańa qaýlyǵa qol qoiǵany týraly habarlanǵan bolatyn.
