كٶلٸكتەگٸ باس مەملەكەتتٸك سانيتارلىق دەرٸگەردٸڭ جاڭا قاۋلىسىنا وراي نۇرسۇلتان نازارباۆ حالىقارالىق ەۋەجايىندا بٸرقاتار شارالار قابىلدان. بٷگٸننەن باستاپ ەنگٸزٸلگەن شەكتەۋ شارالارى تۋرالى نۇر-سۇلتان قالاسى ەۋەجايىنىڭ باسپاسٶز حاتشىسى ەنۋار شەلەكەنوۆ بايانداپ بەردٸ, دەپ حابارلايدى قازاقپارات.
«بٷگٸننەن باستاپ نۇرسۇلتان نازارباەۆ ەۋەجايىنىڭ عيماراتىنا شىعارىپ سالۋشىلار مەن كٷتٸپ الۋشىلار ٷشٸن كٸرۋگە ۋاقىتشا شەكتەۋ قويىلادى. تۇرعىندار اراسىندا كوروناۆيرۋس ينفەكتسيياسى تارالۋىنىڭ الدىن الۋ ماقساتىندا كٶلٸكتەگٸ باس مەملەكەتتٸك سانيتارلىق دەرٸگەردٸڭ قاۋلىسىنا ٶزگەرٸستەر مەن تولىقتىرۋلار ەنگٸزٸلگەن. وسىعان بايلانىستى جوعارى قاۋٸپ ايماقتارىندا, ياعني «قىزىل» ايماقتا ورنالاسقان ٶڭٸرلەردە تەمٸرجول ۆوكزالدارى مەن ەۋەجايلاردا شىعارىپ سالۋشىلار مەن كٷتٸپ الۋشىلاردىڭ كٸرۋٸنە شەكتەۋ قويىلادى», - دەپ اتاپ ٶتتٸ شەلەكەنوۆ.
ونىڭ سٶزٸنە قاراعاندا, نازارباەۆ ەۋەجايىنا كەلۋشٸلەرگە ىڭعايلى بولۋ ٷشٸن كٸرەبەرٸستەردە ارنايى كٷتۋ ورىندارى ۇيىمداستىرىلادى. ال مٷمكٸندٸگٸ شەكتەۋلٸ جولاۋشىلار ٷشٸن ەۋەجاي قىزمەتكەرلەرٸنەن قۇرالعان كەزەكشٸ توپتار قىزمەت كٶرسەتەدٸ.
«كەمەلەتتٸك جاسقا تولماعان جولاۋشىلاردى بٸرگە ەرتٸپ جٷرۋ مەسەلەسٸ ەۋە كومپانييالارىنىڭ اگەنتتەرٸ ارقىلى شەشٸلەتٸن بولادى. حالىقتىڭ تٷسٸنٸستٸكپەن قاراۋىن سۇرايمىز», - دەدٸ شەلەكەنوۆ.
بۇعان دەيٸن كٶلٸكتەگٸ باس سانيتارلىق دەرٸگەردٸڭ جاڭا قاۋلىعا قول قويعانى تۋرالى حابارلانعان بولاتىن.
