Elorda Máslihatynyń hatshysy Erlan Qanalimov Nur-Sultan ataýyn Astana dep ózgertý tártibin túsindirdi, - dep habarlaidy Massaget.kz portaly.
Elordalyq máslihat depýtattary Nur-Sultan ataýyn Astana dep ózgertý týraly usynysty qoǵamdyq tyńdaýlarda qarady.
Hatshy Erlan Qanalimovtyń aitýynsha, elorda ataýyn ózgertý protsedýrasy birneshe kezeńnen ótýi kerek.
"Búgin qoǵamdyq tyńdaýlar ótkizip, ony máslihat sessiiasyna usynyp otyrǵanymyz – búkil protsedýradan ótýdiń bir kezeńi. Otyrystardan, máslihat sheshiminen keiin respýblikalyq onomastika komissiiasynda otyrystar ótedi. Osydan keiin qujattar Úkimetke joldanady, Úkimet jarlyq jobasyn Prezidenttiń qol qoiýyna usynady. Jarlyq resmi jariialanǵannan keiin, eger Jarlyqqa qol qoiylsa, elorda ataýyn ózgertý týraly aitýǵa bolady", - dedi Qanalimov tyńdaýlar barysynda.
Eske salaiyq, buǵan deiin Qarjy ministrligi ókili Parlament Qazaqstan astanasyna burynǵy ataýyn qaitarý týraly sheshim qabyldasa, qosymsha aqsha talap etilmeitinin aitqan edi.
