ەلوردا مەسليحاتىنىڭ حاتشىسى ەرلان قاناليموۆ نۇر-سۇلتان اتاۋىن استانا دەپ ٶزگەرتۋ تەرتٸبٸن تٷسٸندٸردٸ, - دەپ حابارلايدى Massaget.kz پورتالى.
ەلوردالىق مەسليحات دەپۋتاتتارى نۇر-سۇلتان اتاۋىن استانا دەپ ٶزگەرتۋ تۋرالى ۇسىنىستى قوعامدىق تىڭداۋلاردا قارادى.
حاتشى ەرلان قاناليموۆتىڭ ايتۋىنشا, ەلوردا اتاۋىن ٶزگەرتۋ پروتسەدۋراسى بٸرنەشە كەزەڭنەن ٶتۋٸ كەرەك.
"بٷگٸن قوعامدىق تىڭداۋلار ٶتكٸزٸپ, ونى مەسليحات سەسسيياسىنا ۇسىنىپ وتىرعانىمىز – بٷكٸل پروتسەدۋرادان ٶتۋدٸڭ بٸر كەزەڭٸ. وتىرىستاردان, مەسليحات شەشٸمٸنەن كەيٸن رەسپۋبليكالىق ونوماستيكا كوميسسيياسىندا وتىرىستار ٶتەدٸ. وسىدان كەيٸن قۇجاتتار ٷكٸمەتكە جولدانادى, ٷكٸمەت جارلىق جوباسىن پرەزيدەنتتٸڭ قول قويۋىنا ۇسىنادى. جارلىق رەسمي جارييالانعاننان كەيٸن, ەگەر جارلىققا قول قويىلسا, ەلوردا اتاۋىن ٶزگەرتۋ تۋرالى ايتۋعا بولادى", - دەدٸ قاناليموۆ تىڭداۋلار بارىسىندا.
ەسكە سالايىق, بۇعان دەيٸن قارجى مينيسترلٸگٸ ٶكٸلٸ پارلامەنت قازاقستان استاناسىنا بۇرىنعى اتاۋىن قايتارۋ تۋرالى شەشٸم قابىلداسا, قوسىمشا اقشا تالاپ ەتٸلمەيتٸنٸن ايتقان ەدٸ.
