Memleket basshysy óńir ákimderiniń qatysýymen ótken keńeste Úkimet músheleriniń baiandamalaryn talqylaý barysynda el astanasy men qala kóshelerine Nursultan Nazarbaevtyń esimin berý Elbasynyń Táýelsiz Qazaqstannyń negizin qalaýshy retindegi eńbegin aishyqtaityn tarihi oqiǵa dep baǵalady. Bul týraly Aqordanyń baspasóz qyzmeti habarlaidy.
Osyǵan bailanysty, Prezident elorda ákimine barlyq múddeli qyzmetter men vedomstvolardyń astanany qaita ataýyna bailanysty jumysyn retteýdi tapsyrdy.
Odan bólek, Úkimetke elektrondyq jáne týristik vizalarǵa qatysty normativtik-quqyqtyq aktilerge qajetti túzetýler engizý tapsyryldy.
Sonymen birge, Prezident atap ótkendei, Ishki ister, Syrtqy ister ministrlikteri men UQK Shekara qyzmeti elorda ataýynyń ózgerýine bailanysty burynǵy qujattardyń merzimi aiaqtalǵansha esh biýrokratiialyq kedergi keltirmeýleri tiis.
