AQSh-taǵy "Tórt qurlyq chempionatyn" kúmis júldemen aiaqtaǵan qazaqstandyq mánerlep syrǵanaýshy Elizabet Tursynbaeva aldaǵy ýaqytta Krasnoiarskte ótetin Dúniejúzilik stýdenttik oiyndarǵa qatysady. Otandyq jankúierler Lizanyń jetistigine qýanyp, oǵan aldaǵy básekelerde sáttilik tileýde.
Reseilik maman Eteri Týtberidzeniń tobynda jattyǵatyn Elizabet Tursynbaevanyń jattyqtyrýshysy Sergei Dýdakov Olympic.kz saityna suhbat berip, sportshynyń aldaǵy josparlary týraly aitty.
"Tórt qurlyq chempionatynan" keiin Tursynbaeva qysqy Ýniversiada oiyndaryna qatysady. Biz sol básekede tórttik salhovty oryndaýdy josparlap otyrmyz. Qysqy stýdentter oiyny aiaqtalǵan soń, Japoniiada ótetin álem chempionaty kútip tur. Álemdik dodada jaqsy nátijeden úmittimiz. Qandai da bir tosyn jaittarsyz, bir demmen ótkizsek degen oiymyz bar. Al sodan soń, biylǵy maýsym aiaqtalady. Maýsymaralyq úziliste Lizaǵa jańa áýen, jańa obraz tańdap, jańa baǵdarlama daiyndaimyz. Elementterdi oryndaý tehnikasyn jaqsartý basty maqsatymyz", - deidi Sergei Dýdakov.
Eske sala keteiik, Elizabet Tursynbaeva "Tórt qurlyq chempionatynda" qos baǵdarlama qorytyndysy boiynsha 207.46 upai jinap, kúmis medal ielendi. Bul bizdiń sportshynyń maýsymdaǵy eń úzdik nátijesi.
