Koronavirýstyń taralý qaýpin toqtatý úshin Qazaqstanǵa shetelden kelgen jolaýshylar úshin qatań shekteýler engiziledi. Ortalyq kommýnikatsiialar ortalyǵynda ótken onlain brifingide QR Densaýlyq saqtaý ministrliginiń resmi ókili Baǵdat Qojahmetov osylai málim etti , dep habarlaidy "Ult aqparat".
«Ótken aptada qabyldanǵan sheshim boiynsha, elge kez kelgen kólikpen (ushaq, poiyz) kelgen jolaýshynyń dene qyzýy bolsa, dereý statsionarlyq izoliatorǵa ornalastyrylady. Ol jerde dene qyzýy ne úshin kóterilip turǵanyn, qandai aýrýmen aýyratynyn anyqtaidy. Qazaqstanǵa kelgen sheteldik jáne qazaqstandyq azamattardyń uialy telefon nómiri tirkeledi», - deidi QR Densaýlyq saqtaý ministrliginiń resmi ókili Baǵdat Qojahmetov.
Onyń aitýynsha, bir kólikpen kelgen azamattardyń bireýinen 14 kún ishinde koronavirýs derti anyqtalsa – ol adammen birge kelgen barlyq jolaýshy, onymen bailanysta bolǵan barlyq adam anyqtalyp, tiisti sharalar qoldanylady.
