Elimizge Resei Federatsiiasynyń Primore ólkesinen et, sút tasymaldaýǵa ýaqytsha shekteýler engizildi, dep habarlaidy "Ult aqparat" QR AShM baspasóz qyzmetine silteme jasap.
«QR Aýyl sharýashylyǵy ministrligi Halyqaralyq epizootiialyq biýrosynyń resmi notifikatsiiasy negizinde 2019 jylǵy 14 qańtardan bastap Qazaqstan Respýblikasyna Resei Federatsiiasynyń Primore ólkesi aýmaǵynan aýsylǵa beiim janýarlardy, siyr etin, shoshqa etin, qoi etin, sút jáne sút ónimderin, jylýlyq óndeýden ótken daiyn ónimderdi qosqanda, beiim janýarlar soiýdan alynǵan taǵamǵa qoldanylmaityn shikizattar men buiymdaryn, aýsylǵa beiim maldardy ustaýǵa, soiýǵa jáne óńdeýge qoldanylǵan jabdyqtaryn, janýarlarǵa arnalǵan azyqtar men azyqtyq qospalaryn kirgizýine ýaqytsha shekteýler engizedi», - delingen habarlamada.
