Astanadaǵy L.N. Gýmilev atyndaǵy Eýraziia ulttyq ýniversitetinde professor, Memlekettik Eltańba avtory, Etnosáýlet Institýtynyń direktory, Ózbekstanǵa eńbek sińirgen sáýletshi Jandarbek Málibekov Qazaqstan Respýblikasynyń Memlekettik Eltańbasynyń jańa úlgisin EUÝ ujymyna tanystyrdy, dep habarlaidy Baq.kz tilshisi.
Shara barysynda Jandarbek Málibekov Qazaqstan Respýblikasy memlekettik rámizderiniń 25 jyldyǵyna orai jáne «EKSPO-2017» qarsańynda jaryq kórgen «Qazaqstan Eltańbasy» kitabyn da kópshilikke tanystyrdy.
Saltanatty shara, Qazaqstan Respýblikasy memlekettik rámizderine 25 jyl tolýyna jáne professor Jandarbek Málibekovtyń týǵanyna 75 jyldyq mereitoiyna orai «Qazaqstan Eltańbasynyń: qurylý tarihy jáne «Máńgilik el» ulttyq ideiasyn iske asyrýdaǵy róli» atty halyqaralyq konferentsiia aiasynda ótti.
Ǵylymi forýmǵa Qazaqstan Respýblikasynyń Parlamenti Májilisiniń depýtaty Baqytjan Ábdiraiym, Abai Tasbolatov, Baqytbek Smaǵul, L.N. Gýmilev atyndaǵy EUÝ rektory, akademik Erlan Sydyqov, akademik Bolat Kómekov, «Qazaqstan Respýblikasynyń ardagerler uiymy» Respýblikalyq qoǵamdyq birlestiginiń tóraǵasy Ómirzaq Ozǵanbai, QR Densaýlyq saqtaý ministrliginiń Respýblikalyq klinikalyq Otan soǵysy múgedekterine arnalǵan ortalyq gospitaldyń direktory Ádilhan Abdýllin qatysty.
Sondai-aq, RKFSR Sáýlet jáne qurylys ǵylym Akademiiasynyń Ortalyq ǵylymi-zertteý jáne qala qurylysyn jobalaý institýtynyń óndiristik is jónindegi direktordyń orynbasary Arnold Polianskii, Almaty qalasynyń Qazaq Bas Sáýlet qurylys Akademiiasynyń professory Bekrimjon Glaýdinov, Samarqand qalasyndaǵy Samarqand memlekettik sáýlet-qurylys institýtynyń prorektory Nimatjon Sadykov, «Astana qalasynyń Bas jospary» direktorynyń orynbasary Baqtybai Taitaliev jáne taǵy basqalar da sóz sóilep, quttyqtaý lebizderin bildirdi.
