Ulttyq qaýipsizdik komiteti «At-Takfir ýal-Hidjra» dini-ekstremistik uiymynyń uiashyqtaryn beitaraptandyrý boiynsha 21 jeltoqsanda bastalǵan arnaiy operatsiiany aiaqtady, dep habarlaidy "Ult aqparat" QR UQK baspasóz qyzmetine silteme jasap.
Ishki ister organdary bólimshelerimen birlese dini alaýyzdyqty qozdyrdy jáne atalǵan uiymnyń is-áreketine qatysty degen kúdikpen barlyǵy 33 adam ustaldy.
«At-Takfir ýal-Hidjra» jaqtaýshylarynyń turatyn jáne jinalatyn mekenjailary boiynsha júrgizilgen tintý barysynda dini materialdar, kompakt-diskter, kompiýterlik tehnika jáne úlken somada aqsha tabylyp, alyndy. Qajetti saraptamalar taǵaiyndaldy.
Búgingi kúni alynǵan aiǵaqtar jiyntyǵy boiynsha «At-Takfir ýal-Hidjra» uiashyǵynyń 7 kóshbasshysy men belsendi qatysýshylaryna qatysty qamaýǵa alý túrinde, bireýine – eshqaida ketpeý jaiynda aldyn alý sharalary qoldanyldy.
8 adamǵa qatysty kelý týraly mindetteme túrinde protsessýaldyq májbúrleý sharasy tańdaldy. Uiymnyń qatardaǵy 17 múshesi ázirshe tergeýge kýáger retinde tartylady.
Ustalǵan adamdardyń kópshiligi moiyndaý túsinikterin berdi jáne tergeýmen yntymaqtasyp jumys isteýge niet bildirdi. Olardan radikaldyq ideologiia nasihattalatyn jasyryn jiyndardy ótkizý týraly málimetter alyndy. Sonymen qatar qazaqstandyq uiashyqtardyń is-áreketi shetelden basqarylyp otyrǵan.
Jedel-tergeý is-áreketteri jalǵasýda.
