2021 jyldyń qańtar aiynda elimizdiń óńdeý ónerkásibinde oń úrdis saqtaldy. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov málim etti, dep habarlaidy QazAqparat.
«Mashina jasaý salasynda naqty kólem indeksi 116,2 paiyzdy qurady. Avtokólik quraldary, treilerler jáne jartylai tirkemeler, mashinalar men jabdyqtar óndirisi, ózge de kólik quraldaryn, kompiýterler, elektrondyq jáne optikalyq jabdyqtar jasaý ósti», - dedi ministr.
Onyń aitýynsha, tústi metallýrgiiada da oń dinamika baiqaldy. Ósim 106,6 paiyz boldy. Oǵan tazartylǵan altyn, tazartylǵan kúmis, quima altyn, túiirshik kúmis, katodty mystyń jáne basqa da kórsetkishterdiń ósimi esebinen qol jetkizildi.
«Qara metallýrgiiada naqty kólem indeksi 96,9 paiyz qurady. Tutynýshylar tapsyrystarynyń azaiýyna bailanysty shoiyn óndirisi, relster, bolat qubyrlar, armatýra prokaty tómendedi. Sonymen qatar, kásiporyndarmen birlesip eksporttyq áleýetti ónimdi ótkizýdiń balamaly naryqtaryna qaita bólý jumystaryn júrgizip jatyrmyz», - dedi B. Atamqulov.
