1 mamyrdan beri qala aralyǵynda ushqan ushaqtardan virýs juqtyrǵan fakti tirkelgen joq. Bul týraly Ortalyq kommýnikatsiialar qyzmetinde eldegi koronavirýstyq infektsiia boiynsha aǵymdaǵy jaǵdai, sonymen qatar Qazaqstandaǵy vaktsinalardyń sapasy men satyp alýlary týraly ótken brifingte aityldy, dep habarlaidy "Ult aqparat".
«Ózderińiz biletindei, 1 mamyrdan beri elimiz ishindegi Nur-Sultan, Almaty, Petropavl, Semei, Óskemen, Qyzylorda qalalaryna ushaqtyń ushýyna ruqsat etilgen. 1 mamyrdan beri qala aralyǵynda ushqan ushaqtardan virýs juqtyrǵan fakti tirkelgen joq», - deidi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev.
Onyń aitýynsha, el ishindegi qosymsha baǵyttardaǵy qozǵalys boiynsha sheshim óńirlerdegi epidemiologiialyq jaǵdaiǵa bailanysty bolady.
«Bári karantin talaby qalai saqtalǵanyna jáne sonyń nátijesine bailanysty. Al shekara qashan ashylatynyn Úkimet sheshetin bolady. Ol da epidemiologiialyq jaǵdaiǵa bailanysty», - dep atap ótti Timýr Sultanǵaziev.
