Elimizdiń Kásipodaqtar federatsiiasy koronavirýspen kúreske birqatar aktivin usyndy. Bul týraly QR Kásipodaqtar federatsiiasy tóraǵasynyń birinshi orynbasary Satybaldy Dáýletalin Facebook paraqshasynda jazdy, dep habarlaidy "Ult aqparat".
«Qandai qiyn-qystaý zaman týsa da Qazaqstanymyz, Kásipodaq federatsiialary barlyq ýaqytta da halyqpen búkil qiyndyqty birge bólisip, jeńiske jetip keledi. Elimiz úshin osynaý qiyn sátte Qazaqstan Respýblikasynyń Kásipodaqtar federatsiiasy memleket qajettiligi úshin koronavirýstiń taralýymen kúreske myndai aktivterin usynýǵa sheshim qabyldady: Almaty qalasyndaǵy «Kóktem» shipajaiy, Nur-Sultan qalasyndaǵy «Týrist» qonaqúii jáne qajettilik týyndaǵanda Aqmola oblysyndaǵy «Shýche» shipajaiy. Búginniń ózinde ol jerlerde karantinge jiberilgen shamamen 1 myń adam jatyr», - dedi ol.
Sonymen qatar Satybaldy Dáýletalin barlyq otandastarymyzdy bekitilgen qaýipsizdik sharalaryn ustanyp, azamattyq jaýapkershilik tanytýǵa shaqyrady.
«Birlesken is-áreketterimiz azamattarymyzdyń ómiri men densaýlyǵyn saqtap qalýǵa septigin tigizetindigine senimdimiz. Biz birge jeńemiz! #BIZBIRGEMIZ», - dedi federatsiia tóraǵasynyń birinshi orynbasary.
