Foto: Ashyq derekkóz
«Qazgidromet» RMK-sy taratqan derekterge qaraǵanda, atmosferalyq frontaldy bólikter birtindep Qazaqstannan tys jerlerge aýysady, biraq áli de Soltústik jáne shyǵys aimaqtarǵa áserin saqtaidy. Al munda naizaǵai oinap, jaýbyr jaýyp, arty qarǵa ainalýy múmkin, kei óńirlerde burshaq jaýady.
Elimizdiń qalǵan aimaqtarynda kún jaýyn-shashynsyz. Respýblika boiynsha jel kúsheiip, ońtústik-batysta, ońtústikte shańdy daýyl turyp, eldiń soltústiginde túngi jáne tańerteńgi saǵattarda tuman túsedi.
Túnde Qostanai, Pavlodar oblystarynyń soltústiginde, Soltústik Qazaqstan, Shyǵys Qazaqstan oblystarynyń shyǵysynda, Qaraǵandy oblysynyń soltústiginde, shyǵysynda, Aqmola oblysynyń batysynda, soltústiginde topyraq betinde 2 gradýs úsik júredi.
Kúndiz Batys Qazaqstan, Aqtóbe oblystarynda 35 gradýs, Atyraý oblysynda 35-37 gradýs, Mańǵystaý oblysynda 38 gradýs, Aqtóbe oblysynyń batysynda 35 gradýs ystyq bolady.
Almaty, Aqtóbe, Ulytaý, Jetisý oblystarynda, Qaraǵandy oblysynyń batysynda, soltústiginde, Aqmola oblysynyń batysynda, ońtústiginde, ortalyǵynda, Batys Qazaqstan oblysynyń soltústiginde, ońtústiginde, shyǵysynda, Atyraý oblysynyń soltústiginde, ortalyǵynda, Qostanai oblysynyń batysynda, Shyǵys Qazaqstan oblysynyń ońtústiginde joǵary órt qaýpi saqtalady.
Túrkistan, Qyzylorda, Mańǵystaý, Jambyl oblystarynda, Batys Qazaqstan oblysynyń batysynda, Almaty oblysynyń batysynda, soltústiginde, ońtústiginde, Atyraý jáne Jetisý oblystarynyń ońtústiginde, Qostanai, Qaraǵandy, Aqtóbe jáne Abai oblystarynyń ońtústiginde, Ulytaý oblysynyń shyǵysynda tótenshe órt qaýpi saqtalady.
