Qarjy ministri Erulan Jamaýbaev ekonomikalyq tergeý qyzmeti 26 uiymdasqan qylmystyq topty joiǵanyn málim etti, dep habarlaidy "Ult aqparat".
«Ekonomikalyq tergeý qyzmetiniń shtaty 2019 jyly 40%-ǵa qysqardy. Bul jalaqyny arttyrýǵa, sybailas jemqorlyq táýekelderin tómendetýge jáne joǵary bilikti mamandardy tartýǵa múmkindik berdi. Shtatty qysqarta otyryp, mańyzdy ekonomikalyq qylmystardy anyqtaý jaǵyna basa nazar aýdaryldy. Osylaisha 26 uiymdasqan qylmystyq top joiyldy», - dedi Erulan Jamaýbaev OKQ ótken halyq aldynda esep berý kezdesýinde.
Onyń aitýynsha is júzinde elimizdiń barlyq óńiri oiyn mekemelerinen tazartylǵan. 655 zańsyz oiyn oryny men 18 jasyryn kazinonyń joiylýyn qoǵam jyly qabyldaǵan.
«Táýelsiz memleketter dostastyǵynda alǵash ret salmaǵy 1,1 tonnadan astam iri geroin esirtki trafigi joiyldy. «Qara» naryqta onyń quny shamamen 350 mln dollardy quraidy. Búgingi tańda aqshalai qarajatty qolma-qol aqshaǵa ainaldyrý kólemi 18%-ǵa deiin qysqardy», - dedi ol.
