«En baqytty el» qoǵamdyq qory «Jastar arasynda otbasylyq qundylyqtardy nyǵaitý jónindegi is-sharalardy institýtsiialandyrý» jobasyn iske asyrý aiasynda otbasyn qurǵysy keletin jastarǵa tegin keńes beredi, dep habarlaidy "Ult aqparat".
Atalǵan qordyń málimetinshe, kórsetiletin qyzmetter toptamasyna juptyń psihoemotsionaldy jai-kúiine taldaý kiredi. Konsýltatsiialardy psihologtar, koýchter jáne mediatorlar júrgizedi. Sonymen qatar mamandardyń keńesi ajyrasý aldynda turǵan jas otbasylar úshin de paidaly bolmaq.
«Biz ajyrasýdyń negizgi sebebin jáne múmkin bolatyn qolaily sheshimderdi túsinýge kómektesemiz. Testileý men keńes berý tek qupiialylyq sharttaryn saqtaýdy eskere otyryp júrgiziledi», - dep atap ótedi qordan.
Jas juptarǵa arnalǵan tegin keńester qashyqtyqtan onlain formatta, 8777 225 27 56 telefon nómirine aldyn ala jazylý arqyly júrgiziledi.
«Eger sizdiń ómirińizde osy máselege qatysty qiyndyqtar bolsa - qońyraý shalyńyz, suraqtar qoiyńyz, keńes alýǵa jazylyńyz. Otbasylyq jáne bala-ata-ana qatynastary salasyndaǵy mamandar qiyn jaǵdaidan shyǵýǵa kómektesedi», - delingen taratylǵan aqparatta.
